ಕಾಫಿ ಉತ್ಪಾದನೆ ದ್ವಿಗುಣಗೊಳಿಸುವ ಗುರಿ: 2047ರೊಳಗೆ 7 ಲಕ್ಷ ಟನ್ – ಕಾಫಿ ಬೋರ್ಡ್

ಚಿಕ್ಕಮಗಳೂರು: ಪ್ರಸ್ತುತ ವಾರ್ಷಿಕ 3.5 ಲಕ್ಷ ಮೆಟ್ರಿಕ್ ಟನ್ ಇರುವ ಭಾರತದ ಕಾಫಿ ಉತ್ಪಾದನೆಯನ್ನು 2047 ರೊಳಗೆ 7 ಲಕ್ಷ ಮೆಟ್ರಿಕ್ ಟನ್‌ಗೆ ದ್ವಿಗುಣಗೊಳಿಸುವ ಮಹತ್ವಾಕಾಂಕ್ಷಿ ಗುರಿಯನ್ನು ಭಾರತೀಯ ಕಾಫಿ ಬೋರ್ಡ್ ನಿಗದಿ ಮಾಡಿದೆ.

ಒಟ್ಟು ಉತ್ಪಾದನೆಯಲ್ಲಿ ಸ್ಪೆಷಾಲಿಟಿ ಕಾಫಿಯ ಪಾಲು 15% ಇರಲಿದೆ ಎಂದು ಕಾಫಿ ಬೋರ್ಡ್ ಅಧ್ಯಕ್ಷ ಎಂ. ಜೆ. ದಿನೇಶ್ ತಿಳಿಸಿದ್ದಾರೆ.

ಈ ಗುರಿಯನ್ನು ಸಾಧಿಸಲು 2026–27ರಿಂದ ಮುಂದಿನ ಐದು ವರ್ಷಗಳಿಗೆ ಅನುಷ್ಠಾನಗೊಳ್ಳುವ ಕಾರ್ಯಯೋಜನೆ ಅನ್ನು ಬೋರ್ಡ್ ತಯಾರಿಸಿದೆ.

ಹವಾಮಾನ ತೊಂದರೆಗಳಿಂದ FY26ರಲ್ಲಿ ಅಲ್ಪ ಪ್ರಮಾಣದ ಉತ್ಪಾದನಾ ಏರಿಕೆ

ಕರ್ನಾಟಕ ಪ್ಲಾಂಟರ್ಸ್ ಅಸೋಸಿಯೇಶನ್ (KPA) ಸದಸ್ಯರಿಗೆ ಮಾತನಾಡಿದ ದಿನೇಶ್:
“ಕಾಫಿ ಬೋರ್ಡ್‌ಗೆ ಸೇರಿದ ಸೆಂಟ್ರಲ್ ಕಾಫಿ ರಿಸರ್ಚ್ ಇನ್‌ಸ್ಟಿಟ್ಯೂಟ್ (CCRI) ಬೇಗನೇ ಮೂರು ಹೊಸ ಉತ್ಪಾದನಾಶೀಲ, ಕೀಟನಿರೋಧಕ ಜಾತಿಗಳನ್ನು ಬಿಡುಗಡೆ ಮಾಡಲಿದೆ,” ಎಂದರು. ಈ ತಿಂಗಳು ಸಂಸ್ಥೆ 100 ವರ್ಷಗಳನ್ನು ಪೂರೈಸುತ್ತಿರುವ ಹಿನ್ನೆಲೆಯಲ್ಲಿ ಈ ಜಾತಿಗಳನ್ನು ಬಿಡುಗಡೆ ಮಾಡಲು ತೀರ್ಮಾನಿಸಲಾಗಿದೆ.

1925ರಲ್ಲಿ ಸ್ಥಾಪಿತವಾದ CCRIಯಲ್ಲಿ 400ಕ್ಕೂ ಹೆಚ್ಚು ತಳಿಗಳ ಜೀನೋಮ ಸೆಟ್ ಇದೆ. ಕಳೆದ 100 ವರ್ಷಗಳಲ್ಲಿ ಸಂಸ್ಥೆಯು 13 ಅರಬಿಕಾ ಮತ್ತು 3 ರೋಬಸ್ಟಾ ತಳಿಗಳನ್ನು ಬಿಡುಗಡೆ ಮಾಡಿದೆ.

ಉತ್ಪಾದನೆ ದ್ವಿಗುಣಗೊಳಿಸಲು ಎರಡು ಮಾರ್ಗಗಳು

ದಿನೇಶ್ ಅವರು ಧಿ ಹಿಂದುಗೆ ಮಾತನಾಡುತ್ತಾ:- “ಕ್ಷೇತ್ರ ವಿಸ್ತರಣೆ ಹಾಗೂ ಈಗಿರುವ ತೋಟಗಳ ಉತ್ಪಾದಕತೆ ಹೆಚ್ಚಿಸುವುದು ಎರಡೂ ಅಗತ್ಯ.” ಎಂದರು.

• 1 ಲಕ್ಷ ಹೆಕ್ಟೇರ್ ಹೊಸ ಪ್ರದೇಶ ಒಡಿಶಾ, ನಾಗಾಲ್ಯಾಂಡ್ ಮುಂತಾದ ಪರಂಪರೇತರ ಕ್ಷೇತ್ರಗಳಲ್ಲಿ ಕಾಫಿ ಬೆಳೆಗೆ ಸೇರಿಸಲಾಗುತ್ತಿದೆ.

• ಪ್ರಸ್ತುತ ಭಾರತದಲ್ಲಿ ಸುಮಾರು 4 ಲಕ್ಷ ಹೆಕ್ಟೇರ್ ಪ್ರದೇಶದಲ್ಲಿ ಕಾಫಿ ಬೆಳೆಯಲಾಗುತ್ತಿದೆ.

ಉತ್ಪಾದಕತೆ ಹೆಚ್ಚಿಸಲು ಕ್ರಮಗಳು

ತೋಟದಿಂದ ಮಾರುಕಟ್ಟೆವರೆಗೆ ಇರುವ ಎಲ್ಲಾ ಹಂತಗಳಲ್ಲಿ ಸುಧಾರಣೆ ಮಾಡುವ ಅಗತ್ಯವಿದೆ ಎಂದು ಅವರು ಹೇಳಿದರು.

• ಪೋಷಕಾಂಶಗಳ ಸರಿಯಾದ ಬಳಕೆ

• ನೀರಿನ ನಿರ್ವಹಣೆ

• ಉತ್ಪಾದನಾ ಚಕ್ರದ ಉತ್ತಮ ಅಭ್ಯಾಸಗಳು

ಇವುಗಳ ಬಗ್ಗೆ ಬೆಳೆಗಾರರಿಗೆ ತರಬೇತಿ ನೀಡಲಾಗುತ್ತದೆ.

ಕಾಫಿ ಬೋರ್ಡ್ ಮುಂದಿನ ಐದು ವರ್ಷಗಳಲ್ಲಿ ಪ್ರತಿ ವರ್ಷ ₹300 ಕೋಟಿ ಸರಾಸರಿ ವೆಚ್ಚ ಮಾಡುವ ಯೋಜನೆ ಹೊಂದಿದೆ.

ಅರಕು ಮಾದರಿಯಲ್ಲಿ ಬ್ರ್ಯಾಂಡ್ ನಿರ್ಮಾಣದ ಸಲಹೆ

KPA 67ನೇ ವಾರ್ಷಿಕ ಮಹಾಸಭೆಯನ್ನು ಉದ್ಘಾಟಿಸಿದ ಕರ್ನಾಟಕದ ಇಂಧನ ಸಚಿವ ಕೆ. ಜೆ. ಜಾರ್ಜ್:
“ಆಂಧ್ರಪ್ರದೇಶದ ಅರಕು ಕಾಫಿ ಬೆಳೆಗಾರರಿಂದ ಪಾಠ ಕಲಿಯಬೇಕು. ಅವರಂಥ ಒಗ್ಗಟ್ಟು ಇಲ್ಲದಿರುವುದು ಕರ್ನಾಟಕದ ಬೆಳೆಗಾರರಿಗೆ ಪ್ರಮುಖ ಅಡ್ಡಿ,” ಎಂದರು.

ಸ್ಥಳೀಯ ಮಾರುಕಟ್ಟೆಯನ್ನು ಗಮನಿಸಲು ಕರೆ

“ಯೂರೋಪ್ ಮತ್ತು ಅಮೇರಿಕಾದಿಗಿಂತ ಭಾರತದಲ್ಲಿ ಪ್ರೀಮಿಯಂ ಹಾಗೂ ಸ್ಪೆಷಾಲಿಟಿ ಕಾಫಿ ಬಳಕೆ ವೇಗವಾಗಿ ಏರುತ್ತಿದೆ. ಯುವ ಜನಸಂಖ್ಯೆ ದೊಡ್ಡ ಮಾರುಕಟ್ಟೆಯಾಗುತ್ತಿದೆ,” -ಟಾಟಾ ಸನ್ಸ್ ನಿರ್ದೇಶಕ ಮತ್ತು ಟೈಟನ್ ಮಾಜಿ MD ಭಾಸ್ಕರ್ ಭಟ್ ಹೇಳಿದರು

ಪ್ಲಾಂಟೇಶನ್ ಬೆಳೆಗಳಿಗೆ ಪ್ರತ್ಯೇಕ ನಿರ್ದೇಶನಾಲಯ ಬೇಕು

“ಕಾರ್ಮಿಕ, ಕೈಗಾರಿಕೆ, ವಾಣಿಜ್ಯ ಇತ್ಯಾದಿ ಇಲಾಖೆಗಳಿಗೆ ಓಡಾಡುವ ಪರಿಸ್ಥಿತಿ ಬದಲಾಗಬೇಕು. ಕೇರಳ ಮಾದರಿಯಲ್ಲಿ ಪ್ಲಾಂಟೇಶನ್ ಬೆಳೆಗಳಿಗೆ ಪ್ರತ್ಯೇಕ ನಿರ್ದೇಶನಾಲಯ ಅಗತ್ಯ.”-KPA ಅಧ್ಯಕ್ಷ ಅರವಿಂದ್ ರಾವ್